Upat na ka huwes sa sugbu gitaktak
CEBU, Philippines - Dili lang diay si Judge Rosabella Tormis sa Municipal Trial Court in Cities (MTCC) Branch 8 ang gitaktak kay aduna pay laing tulo ka mga Huwes ang gipangtaktak sa Korte Suprema gumikan sa mga giingong kwestiyonableng ‘civil weddings’ nga gihimo diha sa ilang mga sala.
Sa report sa TV Patrol Central Visayas kagahapon, ang mga gipangtaktak mao sila si MTCC Judge Anatalio Necessario sa Branch 2; Judge Gil Acosta sa MTCC Branch 3; ug Edgemelo Rosales sa MTCC Branch 8.
Base sa report nga ang maong mga huwes napamatud-ang guilty sa “gross in efficiency neglect of duty†tungod sa giingong mga gipangkasal diha sa ilang mga sala niadtong tuig 2007.
Nasuta sa Korte Suprema nga dunay mga gipangkasal sa nahisgutang mga huwes walay mga rekisitos ug ang uban nga gipangkasal mga menor de edad.
Sumala pa nga nakalapas ang maong mga huwes sa Article 34 sa Family Code sa nasud.
Sila dili na makadawat sa ilang retirement benefits ug dili na usab sila mahimong makahupot og laing katungdanan sa gobiyerno.
Gawas sa maong mga huwes gitaktak usab gikan sa trabaho ang court interpreter sa MTCC Branch 4 nga si Helen Mongaya, administrative officer 1 nga si Rhona Rodriguez, Desiderio Aranas, process server, MTCC Branch 3.
Samtang si Rebecca Alesna, court interpreter, MTCC Branch 1 gipahamtangan og silot sa pagkasuspenso sulod sa unom ka buwan nga dili makadawat og suhol. (Brenda D. Batuto/EIM) (BANAT NEWS)
- Latest
