Engr. Quiroga moretiro na
CEBU, Philippines - Laing usa ka department head ang mobiya sa Kapitolyo ubos sa administrasyon sa kasamtangang gobernador, Agnes Magpale pinaagi sa pagretiro.
Si Provincial Planning and Development Coordinator, Engr. Adolfo Quiroga, miduso sa iyang “irrevocable resignation/retirement†niadtong Martes.
Matud pa ni Quiroga nga giandam na sa iyang anak ang iyang pagbiyahe sa New Zealand. Si Quiroga, 64, dugay na nga kwalipikado nga moretiro human sa 42 ka tuig niyang pagserbisyo sa Kapitolyo.
Nagsugod si Quiroga isip assistant provincial engineer sa panahon ni Gob. Osmundo Rama.
Siya ang project manager sa International Bank for Reconstruction and Development (IBRD) ug United States Agency for International Development (USAID) nga mga proyekto sa panahon ni kanhi gobernador Eduardo Gullas nga sa pagkakaron Kongresista sa unang distrito sa lalawigan.
Siya na ang hepe sa Provincial Engineering Office (PEO) sa panahon ni kanhi Gob. Emilio “Lito†Osmeña ug pangulo sa Provincial Planning and Development Office (PPDO) sa panahon ni kanhi Gob. Vicente dela Serna.
Samtang padayong nagserbisyo sa PPDO, siya ang gitahasan isip project director sa Japan International Cooperation Agency sa panahon ni kanhi gobernador Pablo Garcia nga sa pagkakaron kongresista na sa ika-duhang distrito sa lalawigan.
Ang PEO ug PPDO maoy gidumala ni Quiroga sa panahon na ni Gob. Gwendolyn Garcia hangtud niining iyang pagretiro na sa katungdanan.
Nasayran nga sa dihang nilingkod si Magpale niadtong Disyembre 2012, iyang gipahulipan sila si Marivic Garces isip pangulo sa Provincial Social Welfare and Development Office; Bernard Calderon isip pangulo sa Provincial General Services Office ug Provincial Treasurer Roy Salubre.
Sila si Salubre, Provincial Budget Officer Emme Gingoyon ug assistant provincial engineer Eulogio Pelayre ang gitangtang na sa serbisyo gumikan sa ilang kalambigitan sa kaso sa luna sa Balili nga anaa karon sa Sandiganbayan nga kaubang giatubang ni Gob. Garcia.— /WC (BANAT NEWS)
- Latest
