Level 2 drug pusher nadakpan

CEBU, Philippines - Nasikop sa mga sakop sa Philippine Drug Enforcement Agency  (PDEA-7) ang giingong level 2 drug pusher atol sa gipahigayong buy bust operation  didto sa barangay Yati, lungsod sa Lilo-an  sa miaging  buntag.

Ang nasikop mao si Jupiter Sasing alyas Peter Sasing, molupyo sa maong dapit kinsa  usa  ka  inila nga illegal  drug  pusher sa maong lugar.

Sa pakighinabi sa Banat News ni PDEA-7 Regional Director Julius Navales, kini  misaysay  nga nakadawat sila  og reklamo  pinaagi sa telepono  bahin sa hilabihang paghitak   sa  illegal nga drugas sa maong   lugar.

Busa matud  pa  ni  Navales   nga   ila dayong  gipanid-an  ang  kalihokan  ni  Sasing  ug  dihang  positibo  ang tanan   ila dayong  gipahigayon  ang  buy bust  operation  pinaagi  sa pagpalit  kunohay  og bali  og  P3 mil  nga  kantidad  sa shabu.

Sa pagdawat  sa suspek  sa bayad  gikan  sa poseur buyer  nga  polis, giposasan  dayon  nila  si Sasing  ug  gibalhug  sa prisohan  samtang  gihikay  usab  dayon ang tukmang kaso  nga  ipasaka  batok  kaniya. (Lesley Caminade-Vestil/WC)(BANAT NEWS)