No.2 most wanted nadakpan tungod sa Facebook
BACOLOD CITY, Philippines — Usa ka No. 2 most wanted nga kriminal sa probinsya sa Catanduanes ang nasikop sa kapolisan sa Bacolod City tungod sa Facebook.
Ang nadakpan mao si Domingo Tablo, 52, taga Brgy. Sta. Elena, sa lungsod sa Virac sa Catanduanes kinsa nadakpan samtang nagpagasolina sa maong siyudad sumala pa ni Station 5 chief, Senior Insp. Richie Gohee.
Si Tablo adunay arrest warrant gikan sa sala ni Virac Regional Trial Court Executive Judge Lelu Contreras tungod sa kalambigitan niini sa pagpatay sa iyang manghod nga si Maximo niadtong milabay’ng tuig tungod sa panag-ilog nila sa yuta.
Human sa pagpamusil mitago kini sa Negros Occidental diin maggikan ang iyang asawa. Matud pa nga ang asawa sa biktima maoy nagpatabang sa Cadiz City Jail warden, nga si Insp. Alexander Sy, kinsa mao say nagpatabang sa kapolisan.
Matud pa nga si Gohee mi-search sa pangalan sa anak sa suspek diha sa Facebook ug tungod sa mga pictures nasayran nilang nagpuyo na diay sila sa Brgy.35 sa Bacolod City,
Base sa gipadalang certification ni Senior Insp. Jose Michael Aurelio gikan sa Catanduanes Provincial Police Office , si Tablo maoy ikaduhang most wanted sa ilang probinsya. Gikuha na si Tablo sa mga awtoridad sa maong probinsya aron dad-on ngadto sa hukmanan. (/EIM) (BANAT NEWS)
- Latest
