Semana Santa malinawon
CEBU, Philippines - Mga kadagkuan sa kapulisan sa lalawigan sa Sugbo ang mibutyag nga malinawon ang pagsaulog sa Semana Santa ug walay dagkong insidente ang nahitabo. Matud ni Cebu Provincial Police Office (CPPO) director Patrocinio Comendador nga ang isla sa Bantayan lakip na ang lungsod sa Minglanilla nagmalinawon bisan pa sa bagang duot sa katawhan.
“There were no untoward or violent incidents that occurred and the same is true in other parts of the province,†matud ni Comendador. Si Comendador mipadala og igong gidaghanon sa mga polis sa maong mga lungsod pipila ka adlaw sa wala pang Semana Santa gikan sa provincial headquarters ug mga kasikbit nga police stations ang gi-deploy sa lungsod sa Minglanilla alang sa Sugat Kabanhawan.
“We have massive deployment of personnel and simultaneous checkpoint operations,†matud ni Comendador.
Siya midugang nga aduna sila’y problema sa mangunguot sa miaging tuig apan karon wala na sila’y report niini tungod sa checkpoint operations nga gipahigayon nga miresulta sa pagkasikop sa pipila nga adunay dala nga armas. Sa iyang bahin, si Cebu City Police Office (CCPO) director Mariano Natu-el Jr. mipadayag usab nga nagmalinawon ang dakbayan sa Sugbo.
“With regards to the Holy Week especially Thursday and Friday were generally peaceful,†matud ni Natu-el.
Siya midugang nga wala nay laing insidente ang natala gawas sa pagpangawat sa donasyon sa Cebu Metropolitan Cathedral nga miresulta sa pagkasikop ni Gerlick Polo, 28, taga-Baybay, Leyte, adtong Biyernes. EIM (BANAT NEWS)
- Latest
