Tomas midupa kang Abellanosa sa isyu sa scholarship program sa siyudad
CEBU, Philippines - Giduphan ni Kongresista Tomas Osmeña si Konsehal Rodrigo Abellanosa kabahin sa isyu nga ang tunghaan sa konsehal nga mao ang Asian College of Technology (ACT) apil nga nakabenepisyo sa scholarship program sa dakbayan sa Sugbo. Matud ni Osmeña nga wala maglantaw si Abellanosa nga makakwarta pinaagi sa scholarship program sa dakbayan kay gani mihatag pa kini og dugang P11,000 nga scholarship grant sa matag city scholar nga motungha sa ACT.
Ang matag tinun-an nga nahimong scholar sa dakbayan sa Sugbo makapahimulos og P10,000 nga libreng tuition fees ug dugang P1,000 nga ihatag kanila sa City Hall nga cash para magamit pagpalit og school supplies.
Si Abellanosa nakahukom nga tumbasan niya ang maong scholarship grant sa dakbayan sa Sugbo kun ang mga city scholar anha mokuha og kurso sa iyang tunghaan.
Matud ni Osmeña nga wala pugsa ang mga tinun-an nga adto motungha sa eskwelahan ni Abellanosa. Natimbang-timbang ni Tommy nga dili conflict of interest ang pagsalmot sa ACT sa scholarship program sa dakbayan.
Hinoon, lahi usab ang baruganan ni Atty. Aristotle “Totol†Batuhan nga kontra ni Abellanosa sa pagka-kongresista diha sa south district alang sa eleksyon karong Mayo 13.
Gani si Batuhan mipasaka na og kaso batok ni Abellanosa didto sa Office of the President (OP) sa Malacañang tungod sa hugot niyang baruganan nga nakahimo gyud og “conflict of interest†si Abellanosa. (BANAT NEWS)
- Latest
