Distribusyon sa sr. citizenscash assistance gidayeg

CEBU, Philippines - Gihangop sa mga senior citizens sa north district dakbayan sa Sugbo ang mas organisado nga pagpang-apud-apud sa ilang cash assistance kagahapon. Wa kaabti og lima ka minuto sukad naabot si Thelma Maraan sa Tejero Elementary School, nakuha na matud pa niya ang P4,000 nga hinabang gikan sa gobyerno.

“Di sama niadto nga init kaayo, gubot unya kapoy kaayo og linya,” matud ni Maraan. Susama usab ang nabatyagan sa mga senior citizens sa barangay Zapatera kinsa nakamatikod sa mas sistematikong pagpanghatag. “Mas hapsay kaayo karong tuiga uy. Samok man ‘tong sa una. Karon kay sayo nagsugod unya dili kaayo dasok ang mga senior,” matud ni Barangay Zapatera Senior Citizens Organization vice president Rodolfo Ugang, Sr.

Alas-singko sa buntag nitambong ang mga department heads ug designated city officials sa distribusyon sa cash assistance alang sa usa ka misa sa Sto. Rosario Parish church.Ang kagamhanan sa dakbayan adunay nalistang 25,573 kwalipikadong senior citizens gikan sa 46 ka mga barangay sa north district.  (BANAT NEWS)