No Late Payment Policy sa mga eskuylahan buot nga ipatangtang

CEBU, Philippines - Giawhag sa Partido ng Manggagawa-Kabataan-Cebu ang mga tunghaan, pribado o gobyerno sa gitawag nila og "no late payment" policy.

Matud pa ni Ruben Josol, PM-Kabataan spokesperson in Cebu nga ang maong palisiya usa kini ka "anti-student and anti-poor."

“’Education is a right, not a privilege,’’ matud pa ni  Josol nga ang kamatayon sa usa ka UP student nga si Kristel Tejada nga naghikog tungod kay wala nakabayad sa iyang tuition fee, mahimo unta nga usa ka "wake up" call sa mga school administrators.

Sa iyang bahin, si kanhi Las Pinas Rep. Cynthia Villar, kinsa nagpapili isip senador  nisaad nga iyang ipatuman ang proposed bill sa iyang bana nga si  Senator Manny Villar, nga nagdumili sa mga tunghaan nga dili pakuhaon og exams ang mga estudyante kung dili kini makabayad sa tuition fees ug uban pang mga balayranan.

Kaniadtong Oktubre 2011. si  Senator  Villar, mipasaka sa maong balaudnon aron sa pagdumili sa gitawag og "no permit, no exam" nga palisiya. Ang maong balad-udnon natanggong pa karon sa Senate committee on education. (Mitchelle L. Palaubsanon/EIM)

Mas daghang niapil sa Earth House karong tuiga

Jessa Chrisma Marie Agua

Mas daghan ang nangapil sa Earth Hour 2013 kun itandi sa nakalabay nga tuig base sa electricity consumption savings human ang usa ka oras nga pagpawong og suga niadtong Sabado sa gabii.

Ang  Visayan Electric Company (VECO), pinaagi ni Teresita Gonzales,  mibutyag nga kung niadtong tuig 2012 naka-save og 2,700 kilowatt hour (kwh), niadtong Sabado,  misaka kini ngadto sa 11,000 kwh.

Dugang ni Gozales nga mokabat 340,000 ka mga panimalay ang  namawong sa ilang mga suga gikan sa 8:30 ngadto sa 9:30 sa gabii.

Sukad kini namugna niadtong  2009, nag-anam og kaubos ang konsumo sa kuryente  matag himuon ang Earth Hour nianang orasa.

Ang Pilipinas maoy nagkupot sa Hero Country title sud na sa lima ka tuig tungod kay kini maoy dunay kinadaghanan og mga lugar nga namawong og suga.

Ang pangulo sa Committee on Environment Councilor Nida Cabrera mipasar og

usa ka resolusyon sa konseho sa dakbayan sa Sugbo nga nag-awhag sa 80 ka barangay nga mosalmot gyud sa tinuig nga Earth Hour.

“Two weeks ago, I authored a resolution urging the 80 barangays to join the activity. Barangays Sto. Niño, San Roque and Barangay Luz pledged support,” matud ni Cabrera.

Ang resulta sa maong surveillance ipagawas ni Cabrera karong adlawa. (BANAT NEWS)