Gipusil samtang natulog kritikal

CEBU, Philippines - Tandugon  ang  kahimtang  sa  usa ka  ulitawo human kini pusila   sa w ala  hiilhing  kriminal samtang natulog sa kayda  sa ilang  balay didto sa barangay Jugan lungsod sa Consolacion niadtong Huwebes sa alas 10:45 sa gabii.

Ang biktima mao si Ricardo Alibio, 49, ulitawo,  nga  nagpuyo sa maong lugar.

Si PO2 Jovannie Mabano sa Consolacion Police  Station mibutyag  sa Banat News  nga ang biktima kauban sa mga barkada niini   nga nangatulog sa ilang kayda .

Apan  dihang  nahinanok    na  kini  pag-ayo  walay  kalibotan   nga giluthang   ang iyang  dughan  makaduha  ka  higayon ug  dihang  mikisi-kisi  kini  misibat  dayon  ang   kriminal.

Ang mga polis nga naka respondi   sa maong  hitabo  maoy  mihatud  sa biktima  ngadto  sa  Vicente Sotto Memorial Medical Center (VSMMC) ubos  sa talandugong  kahimtang.

Hinuon may  gisuspetsahan  na  karon  ang  kapolisan nga  maoy  ilang  kasamtangang  gibantayan  aron  masikop. Gisuta  usab  nila  ang  hinungdan  sa maong  pagpamusil.  (BANAT NEWS)