Sandiganbayan, warrant of arrest vs Garcia gipagawas
CEBU, Philippines - Mipagawas og warrant of arrest ang Sandiganbayan batok kang suspended governor Gwendolyn Garcia tungod sa kapakyas niya pagtambong sa arraignment sa iyang kasong graft kagahapon didto sa Manila.
Si Associate Justice Teresita Diaz Baldos sa Sandiganbayan Second Division maoy miluwat sa warrant of arrest.
Ang kaso may kalambigitan sa kontrobersiyal nga pagpalit sa Balili property sa dakbayan sa Naga nga mikabat ngadto sa P98 milyones.
Gikompiska usab ang P90,000 nga piyansa ni Garcia sa unang warrant of arrest nga giisyu batok kaniya sa milabay’ng tuig.
Ang anak ug maoy abogado ni Garcia nga si Cristina Garcia-Frasco miklarong wala pay warrant of arrest nga na-isyu batok sa iyang inahan.
“The court has issued an order to issue a warrant but no warrant of arrest has been issued yet. There is a difference. Without an actual warrant of arrest, it is inaccurate to say that she has been ordered arrested,†pagklaro pa niya sa order sa Sandiganbayan.
Samtang ang lead council ni Garcia nga si Atty. Tranquil Salvador III, midason usab sa pamahayag ni Frasco.
Si Salvador miingon nga maong wala makatambong si Garcia tungod kini sa ‘speaking engagement’ nga daan nang naka-schedule sa wala pa gitakda ang arraignment.
Ang maong speaking engagement gikatakda sa dili pa ang petsa sa iyang arraignment. Una nang gisibog gikan sa Marso 12 ang arraignment ni Garcia tungod sa petisyon nila sa Supreme Court.
Tungod niini kinahanglang moesplikar si Garcia kung nganong wala kini makatambong sa duha ka petsang gitakda nga arraignment. Matud pa ni Tranquil mawalay bili ang warrant kung motambong si Garcia sa maong sunod nga schedule. (BANAT NEWS)
- Latest
