Inahan napagan tungod sa utang sa illegal drugs
CEBU, Philippines - Tungod sa giutang nga illegal nga drugas nga dugay nang wala bayri, usa ka inahan ang napagan dihang gipusil ang anak niini kagahapon sa udto diha sa sitio Ubca sa barangay Quiot dakbayan sa Sugbo.
Ang biktima nailhan nga si Fe Cansanco, 46, molupyo sa maong dapit kinsa naigo sa walang bahin sa nawong ug milapos ang bala sa tuong bahin sa liog.
Matud pa ni SPO1 Victor Ruel Ayuman, sa Homicide Section, nga sa wala pa mahitabo ang insidente giingong adunay nangita sa anak sa biktima nga si Jonas.
Matud pa nga si Jonas maoy nangabli sa pultahan ug gipangutana kini sa gunman og: “ikaw si Jonas?†pagtando niini kalit mibunot og armas ang maong lalaki hinungdan nga midagan sa sud sa balay si Jonas. Apan inay moikyas gipusil sa lalaki si Jonas apan ang naigo mao ang biktima nga naglingkod sa sala nianang tungora.
Ang suspek daling midagan ug misakay sa usa ka habal-habal nga gimaneho ni Alfredo Rafols ug nagpahatud sa dalan Tres de Abril.
Sumala pa ni Ayuman nga giangkon ni Jonas nga kaniadto namaligya siya og ginadiling drugas ug naka-utang siya ug wala pa niya kini mabayri.
Matod pa ni Ayuman posibling mao kini hinungdan sa pagsuway og pusil kang Jonas.
Ang inahan ni Jonas kasamtangan nga giatiman diha sa Cebu City Medical Center (CCMC). (BANAT NEWS)
- Latest
