Villar misaad kababayen-an himoong gamhanan

CEBU, Philippines - Si senatorial candidate Cynthia Villar sa Team  PNoy mipasalig  nga  motabang  nga mahimong gamhanan  ang  mga  kababayen-ang Filipino kay 50 porsiyento  sa atong  populasyon  mga  babaye  ug  kapin usab  sa  50  porsiyento  sa mga Overseas Filipino  Workers (OFW), mga babaye.           

Sa iyang  pagpamulong  kagahapon  atol  sa kasaulogan  sa Women’s Month  sa Pampanga, gibutyag  ni Villar nga 95 porsiyento  sa  mga  OFW nga nakapahimus  sa tabang  sa Villar  Foundation  nga  gitawag Sagip-OFW, mga  babaye.

Si Villar, kinsa  ilado  kaayo  sa angga nga   “Misis Hanep Buhay,” maoy  managing director of the Villar Foundation, nga  mitabang  sa  mga  OFW  nga  nanarbaho  sa nagkalainlaing  nasud  sulod  na  sa 20-anyos.           

Kasagaran  ning  maong  mga OFW, matud  pa  ni Villar, gidaugdaog  sa ilang  mga  amo  o gitrabahoan ug  ang nakapait  kay  ang mga babaye  kasagaran giabusohan  ug  gipanglugos.

Tungod  niini  si  Villar  misaad nga dili  siya mohunong  sa pagtabang sa kababayen-an  ug iya silang  sangkapan   sa gahum aron mahimong mabungaon  nga miyembro  sa sosyidad.         Padayon  siyang  mapasalamaton  ni    Pampanga Governor  Lilia  Pineda sa pagdapit  kaniya sa usa  ka mahinungdanon  kaayong  kalihokan sa pag-ila sa dakong  kaakohan  sa  kababayen-an.

“Ang kababayen-an  maoy  sector nga suod  kaayo  sa akong kasingkasing  isip  usa  ka babaye  ug suloguon sa  publiko ”  sumala  ni  Villar. Matud  pa  niya  nga  maoy  iyang  kalipay  kanunay  nga  makigkulokabildo ug  kanunay  nga  makigsuod  sa  mga  babaye. Midugang  siya     sa  pag-ingon “angay  kamong  masayud, nga  personal  akong  miadbokar alang sa paghimong  gamhanan  sa mga babaye labaw  sa ubang  sektor.”

Kini tungod  sa akong  pagtuo  nga dako kaayo  og nahimo  ang  kababayen-an  sa pagpalig-on sa nasud, dugang  niyang  pamahayag. “Ug gikalipay  usab  nako  nga ang  liderato  sa  Pampanga  ubos  ni  Gov. Pineda, mipaambit  sa akong  gugma  sa  kababayen-an,” matud  pa  niya.

Miingon  si Villar  nga ang nasud nagkinahanglan  og  gamhanang  mga  babaye  tungod  kay  sa  atong  paghimong gamhanan  sa mga babaye, nagkahulogan  nga atong  gihatagan  og  gahum  ang  pamilya sumala  sa  usa  ka periodista  sa Manila”.

Iyang  gibutyag   nga  kaniadtong  usa  pa  siya  ka Congresswoman  sa nag-inusarang  distrito  sa Las Peñas gikan sa tuig 2010, iyang  gihatagan  og  prayoridad ang  pagtagik  og  balaod  nga  mohatag  og dugang  kaayohan sa  kababayen-an  ug   sa pamilya. (BANAT NEWS)