NBI misikop sa magsuong drug pusher

CEBU, Philippines - Nasikop  sa  mga  otoridad  sa National  Bureau of Investigation (NBI)  ang  magsuong  gisuspetsahang  mga  level 2 drug  pusher   didto  sa barangay Looc, dakbayan sa Danao.

Ang mga suspek  mao sila Ronald ug Roger Barriga, giingong level 2 drug pusher  kauban  sa lain  pang pito  ka  tawo  nga  gipaubos  sa imbistigasyon.               

Nasayran  nga nasikop  ang  mga  suspetsado  human sa tulo ka semana  nga  pagpaniid  sa mga  sakop  sa NBI  ug  sa Naval Special Group  sa maong  dakbayan.Human  masuta  nga  positibo  base  sa test  buy  nga  ilang  gihimo, gironda  dayon  ang  balay  nga gipuy-an  sa  mga  suspetsado, Matud pa ni Atty. Bernard Dela Cruz, sa NBI-7 nga  nasakmit  nila ang  mga  60 gramos nga  mga  pinutos  nga  gituohan  nilang  shabu   nga gituohang  mokantidad  og  dul-ang  tunga  sa  milyon  ka  pesos, mga armas  de fuego  ug  mga kahimanan  sa  paghingos  sa  shabu. 

Ang upat ka armas nga  ilang  nasakmit  gilangkuban sa .45 caliber pistol, .9mm pistol, .357 revolver ug usa ka .22 nga kalibre sa armas.Nasayran  sa mga otoridad sa  NBI  nga adunay pipila ka mga public official  sa Danao kinsa  giingong   magduawan  sa balay sa  managsuong Barriga.

Giingong  makapagawas   ang  mga  suspek og 10 ngadto sa 15 gramos nga shabu kada duha ka adlaw. (The Freeman/WC)(BANAT NEWS)