UV magsaulog sa ika-108 nga kasumaran sa adlaw’ng natawhan ni Inday Pining

CEBU, Philippines - Karon mao ang  ika-108 nga kasumaran sa adlaw nga natawhan ni Lady Josefina Rivera Gullas.

Pinalangga nga gitawag  nga Inday Pining, ang inahang gigikanan sa mga Gullas  ug mao  ang  babaye  nga nagpaluyo sa University of the Visayas  ug  maoy naghatag  og  kadasig kang Chairman Jose “Dodong” R. Gullas  sa The  Freeman  sa pagbanhaw  sa UV Chorale ug  sa pagtukod  sa JRG Halad Museum.

“Si Mama Pining maoy unang  nag-organisar sa UV Choir. Naglaum ako  nga  malipayon siya nga akong  gibanhaw ang grupo ug  nga  ang UV Chorale  molampus   sa pagkab-ot  sa kadungganang  internasyonal niini,” matud pa  ni Gullas.

Si Dodong ug ang  iyang  mga  igsoon, si Cebu First District Congressman Eduardo “Eddie”  R. Gullas    ug Gliceria “Inday Sering” Gullas Lucero, mihimo  og  malampusong  mga gimbuhaton  sa komunidad  nga  Sugboanon. Samtang si Dodong    adunay The Freeman ug ang JRG Halad Museum, ingon  man   makugihon  kaayo    sa  iyang  mga  proyekto ug  gimbuhaton sa simbahan.

Si Congressman   Eddie nainila  pag-ayo  sa natad  sa politika  ug  mao  usab  ang  Presidente   sa  University of the Visayas, samtang si  Inday Sering   mao  usab  ang Senior Comptroller sa unibersidad.

Sa pagsaulog  sa birthday  ni Inday Pining karong  adlawa, adunay  ipahigayong   Holy Mass   sa  UV Gym   sa alas  9:00 karong  buntag  nga  iselebrar  ni  Monsignor Jose Tajanlangit. Ang Misa maoy magsilbi  usab  nga lugar  alang sa  Unang  Balaang Komunyon o First Holy Communion   sa  mga  kabataang  nagtungha sa university. Aduna  usay   Holy Mass   sa alas  5:30  karong  hapon  sa  Cempark alang  sa pamilyang Gullas, nga  dumalahon  ni Monsignor Boy Alesna. (BANAT NEWS)