Tubod sa tubig sa Talisay ipasusi

CEBU, Philippines - Human sa report kabahin sa kaso sa waterborne disease sa usa ka lungsod sa habagatan giawhag sa konseho sa dakbayan sa Talisay ang city health office sa siyudad nga mopahigayon og pakisusi sa mga tinubdan sa tubig sa siyudad. Si Konsehal Richard Francis “Choy” Aznar, chairman sa komitiba sa panglawas sa konseho sa siyudad mibutyag nga kontaminado sa E.Coli bacteria ang pipila ka tinubdan sa tubig sa Talisay base sa inspeksyon nga gihimo sa nakalabay’ng tuig.

Ang maong pagpakisusi nahitabo human niadto sa report kabahin sa mga kaso sa pagsuka-kalibang sa ubang mga residente sa bukirang barangay sa Talisay.

Nasuta nga kasagaran sa nga residente sa lugar wala kini mga pansayan ug anha  lang kini sa mga libon mopahuwas sa sugo sa lawas ug adto mapunta ang hugaw sa tubod diin sila magkuhaan og tubig. (BANAT NEWS)