Tulo ka pusher nadakpan sa PDEA-CAIDSOTG sa Lapulapu
CEBU, Philippines - Nagtingkagol sa karsel ang tulo ka batan-on human masikop atol sa gipahigayong buybust operation sa mga sakop sa Philippine Drug Enforcement Agency-Lapu-Lapu substation ug Lapu-lapu City Anti-Illegal Drugs Special Operation Task Group.
Usa ka buybust operation diha sa sitio Humay-humay barangay Pajo dakbayan sa Lapu-lapu. Nasikop mao silang Spencer Malingin,22;Alfie Daño; ug Sean Michael Tañan, pulos molupyo sa sitio Humay-Humay sa barangay Pajo nga pulos gihulagway nga level 2 drug pusher.
Matud pa ni Intelligence Officer David Mark Maramba nakadawat sila og impormasyon nga adunay drug den sa maong lugar hinungdan nga ila kining gi-operasyonan.
Nakuha gikan kanila ang 53 ka mga gagmay’ng pakete sa gituohang shabu nga nagkantidad og tag 200 pesos kada usa. “They have their own costumers to come from all parts of Lapu-lapu City, they would buy their stuff there,†matud pa ni Maramba.
“Itagak na didto, kadtong hinganlan Atel, amo rato i-dispose. Tulo man mi ka buok ana, tagaan ra mi ana, katong amo parokan anha ra mi magpaabot,†matod pa sa usa sa mga dinakpan. (BANAT NEWS)
- Latest
