Shabu market gironda
CEBU, Philippines - Usa ka ‘shabu tsange’ ang gironda nga miresulta sa pagkasikop sa napulo ka tawo ug 73 ka gagmay’ng paketeng gituohang shabu ang nasakmit sa mga sakop sa Philippine Drug Enforcement Agency (PDEA)-7.
Ang pagpangronda gihimo pasado alas-8 sa miaging gabii diha sa giingong usa ka “shabu market†nga nahimutang sa barangay Bulacao dakbayan sa Talisay.
Ang mga nasikop mao silang Roy Jamero; Arnold Barro; Dionelo Reyes; Roldan Java; Ernesto Oribio; Adjomar Magadugon; Herman Orbiso; Juniel Pastor; Kenpee Panelagro; Alberto Gabuya.
Matud pa ni Deputy Regional Director, Levi Ortiz nakadawat sila og impormasyon nga naghitak ang illegal nga drugas sa maong dapit.
Atol sa raid, naaktuhan ang napulo nga giingong “nagdakop-dakop†pa sa aso sa gidudahang shabu samtang ang uban nagpaabot pa nga makapuli og lingkod sa mga ‘kubol-kubol’ aron ‘manuyop.’
Didto sa sulod mapalit ang mga shabu ug didto ra usab kini suyopon sumala pa ni Ortiz. Ang kubol paabangan og P10.
Samtang si PDEA-7 Regional Director Julius Navales mibutyag sa Banat News nga daghan silang nadawat nga impormasyon nga gihimo nang ‘shabu market’ ang maong dapit, duna pay laing lugar nga giingong susama gihapon og sistema nga ilang gi-verify karon.
Giila pa sa PDEA-7 kung kinsay tag-iya sa maong drug den. Si Alberto Gabuya nga mitug-an nga tiggamitan gayud siya og ginadiling drugas. Gani, sulod na sa napulo ka tuig siyang tiggamit niini.
Apan si Arnold Barro, nga manghimoay og rebolto sa mga santos mihimakak nga tiggamitan siya og ilegal nga drugas ug naatol lang nga diha siya sa lugar kay nagtan-aw siya og sugal.
Nakuha sa mga sakop sa PDEA-7 mao ang 73 ka mga gagmay’ng paketeng gituohang shabu nga nagbalor og tag 300 pesos ang usa ug mga drug paraphernalia. (/EIM)(BANAT NEWS)
- Latest
