‘Rapist’ naka-ipsot , mga marijuana gilarot

CEBU, Philippines - Usa ka plantasyon sa Marijuana ang aksidenteng nadiskubrehan sa kapolisan nga mag-serve unta og warrant of arrest batok sa usa ka suspek sa pagpanglugos diha sa bukirang bahin sa barangay Sebacan siyudad sa Danao alas 9:00 sa buntag niadtong niaging adlaw.

Si Insp. Romeo Cacoy maoy nangu sa mga polis nga mag-serve unta sa arrest warrant batok sa usa ka Ireneo Lawas,  gikan ni  Branch 25 Regional Trial Court Judge Gerry Dicdican.

Matud ni PO3 Arnold Labini sa Danao City Police Station dihang nahinabi sa Banat News wala maabti si Lawas diha sa iyang gipuy-an ug gituohang nakabantay kini ug miikyas.

Apan dihang paingon na untang mamauli ang kapulisan nadiskobrihan nila ang usa ka plantasyon sa marijuana sa hilit nga bahin hinungdan nga ilaha kining gipanglarot nga miabot og 249 ka punoan. (BANAT NEWS)