Gisaka sa balay gipusil

 CEBU, Philippines - Kritikal ang kahimtang sa usa ka 49-anyos nga ulitawo human kini gipusil samtang nahinanok sa pagkatulog sa balcony gawas sa pinuy-anan niini didto sa barangay Jugan lungsod sa Consolacion niadtong  Huwebes sa alas 10:45 sa gabii. Ang biktima mao si Ricardo Alibio,49, samtang padayon pang giila sa kapolisan ang responsable sa maong krimen.               

Matud ni PO2 Jovannie Mabano sa Consolacion Police Station dihang nahinabi sa Banat News ang biktima kauban sa mga barkada niini nakahukom nga diha mangatulog sa ilang balay.

Matod pa samtang kini nahinanok dunay usa ka tawo ang miduol kanila ug gipusil ang biktima duha ka higayun diha sa dughan ug daling nisibat sum-ok sa ngitngit nga lugar.

Ang mga polis nga nakaresponde maoy mitabang sa biktima ug gihatud kini sa Vicente Sotto Memorial Medical Center ug sa labing uwahing report pabilin kining gitabang sulod sa Intensive Care Unit kon ICU. Ang kapulisan duna nay lead si kinsa ang mamumuno apan dili ikabutyag hangtud wala pay kompletong ebidensya batok kaniya. (/EIM)  (BANAT NEWS)