Oponganon gihangyo nga sabton ang pagsira sa duha ka taytayan alang sa repairs niini
CEBU, Philippines - Giawhag ni Mayor Paz Radaza ang mga molupyo sa dakbayan sa Lapulapu sa pagsabot sa masinati nga kakulian sa ilang pagbiyahe paingon sa dakbayan sa Sugbo sa higayon nga magsugod na ang pagtrabaho alang sa pag-ayo sa Marcelo Fernan Bridge ug unang Mactan Mandaue Bridge.
“We are calling on the people to bear with this project as it will benefit as all,†nagkanayon si Radaza sa iyang pamahayag.
Giawhag niya ang tanan kung mahimo, mosayo sila og gikan padulong sa ilang destinasyon aron kung dunay kalangay dili kini makaapekto sa ilang lakaw.
“Plan your schedules early be an hour or two ahead of your appointments, †dugang pa ni Radaza. Samtang kadtong wala magkinahanglang mohapit sa Mandaue giawhag silang manakay sa ferry boat tungod kay mas dali kini nga rota.
Si Frank Brazil nga maoy pangulo sa City Traffic Management System (CTMS) sa dakbayan sa Lapulapu modestino og dugang traffic enforcers sa dalan M.L Quezon padulong sa maong taytayan.
Gikatahong molanat og tag-walo ka adlaw matag lane ang pag-aspalto sa maong taytayan. (/EIM) (BANAT NEWS)
- Latest
