Pasangil ni Aligado gipanghimakak
CEBU, Philippines - Kusganong gipanghimakak sa mga kadagkuan sa One Cebu Party nga may mga mayor nga membro sa ilang partido nga atua nakapusta sa Liberal Party(LP).
Sigun pa ni One Cebu Gubernatorial Candidate 3rd district Cong. Pablo John PJ Garcia nga usa ka dakong bakak ang pamahayag ni Consolacion Mayor Teresa Aligado nga adunay mga mayor sa One Cebu ang nagtakoban apan ang kasingkasing adto mosuporta sa LP.
Giklaro ni Cong. “PJ†Garcia nga ang gisulti ni Aligado dili tinuod ug mugna lamang sa imahinasyon.
Sigun pa ni Garcia nga sayon ra kaayo ang pagsulti nga magtakoban sa ilang grupo ug mahimo man gani nga mosulti usab siya nga may mga LP mayor ilabina si Aligado nga nagtakoban usab sa pagka-LP apan ang kasingkasing niini anaa sa One Cebu party.
Apan gitumbok ni Garcia nga ang mga mayor sa One Cebu dili sama ni Aligado nga nagtakuban sanglit dili tanang mga mayor sama ni Aligado.
Ang pamahayag ni Garcia gidasunan usab ni Daanbantayan Mayor Maria Luisa Loot kinsa miingon nga kun ang kaatbang maoy pasultihon daghang mga mayor ang mobalik sa LP.
Apan kun sutaon ang mga tagsatagsa ka mga mayor sila moingon nga ilang gitrabahoan ug gisuportahan ang One Cebu ug dili ang mangagaw og gahum.
Hinuon si Aligado kinsa nasayud ning maong komentaryo ni PJ igo lang nagkanayon nga “unya na niya (PJ) hisayri ang kamatuoran sa Mayo 13â€. (/WC) (BANAT NEWS)
- Latest
