Kapolisan gisaway tungod sa ‘pagpagamit’ atol sa political rally

CEBU, Philippines - Gisaway sa kandidato sa pagka-gobernador sa lalawigan sa Sugbo ang kapolisan tungod sa pasangil nga pagka-‘double standards’ sa organisasyon.

Kini tungod sa pag-pagamit sa mga polis sa  Liberal Party atol sa campaign rally didto sa Talisay City diin gihimong tigpayong sa mga kandidato ang mga polis.

Matod ni Kong. Pablo John Garcia adunay pagtugot ni Police Regional Office-7 regional director Marcelo Garbo Jr. ang paghimong tigpayong sa kapolisan sa mga kandidato ug bisita sa LP.

Si Garbo sa iyang bahin, daan nang namahayag nga walay gipili ang kapolisan kung kinsay ilang serbisyohan. Matud pa niya mga senador ug incumbent officials ingon man ang mismong presidente sa nasud ang nitambong sa maong kalihokan. Ug apil sa ilang trabaho ang pagsiguro sa seguridad sa mga opisyal atol sa mga kalihokan.  (BANAT NEWS)