NSO nagsaulog sa civil registration month
CEBU, Philippines - Ang National Statistics Office (NSO)-7 misaulog sa buwan sa Pebrero isip Civil Registration Month inubanan sa serbisyo nga gigahin alang sa pagdani sa atensyon sa publiko.
Pinaagi sa temang "Civil Registration: Bringing Public Service Closer to the People" ang civil nga rehistrasyon ning buwana nagtakda og nagkadaiyang aktibidad alang sa publiko ug usa niini mao ang libreng rehistrasyon ug libreng pagpanghatag og affidavit ug mga sertipiko.
Nahilakip sa maong serbisyo ang pagpamitay og streamer nga puno sa impormasyon bahin sa serbisyo sa NSO sa nagkadaiyang dapit sa syudad ug probinsya sa Central Visayas.
Gipahigayon usab ang libreng mobile registration ug pagpakatap og impormasyon bisan ngadto sa mga tunghaan.
Matud pa ni NSO-7 Regional Director Arniel Florendo nga ang maong civil registration month gigahin gayud alang sa paghatag og serbisyo ngadto sa publiko nga libre ug usab aron sila pahibaw-on sa kamahinungdanon sa civil registration ug usab paghupot og ubang affidavit ug mga sertipiko gikan sa NSO.
“Aside from the free registration we also issued birth, married and death certificate all of free charge in observance of the civil registration month,†kini matud pa ni Florendo.
Dugang pa ni Florendo nga ang mobile registration molibot sa matag lungsod aron magtanyag og libreng rehistro sa mga molupyo nga wala pa marehistro sa NSO.
Gibutyag usab ni Florendo nga ang serbisyong ilang gitanyag subay gayud sa Civil Registration Month ug walay limit sa gidaghanon sa mga kliyente. (/WC) (BANAT NEWS)
- Latest
