Tip sa Bangko Central ipahibawo sa publiko–Bucao

CEBU, Philippines - Ang Konseho sa dakbayan sa Talisay mopalabang og resolusyon karong Martes nga nag-awhag sa mga bangko nga nag-operate sa siyudad nga magbutang o mag-display og mga tips nga giisyu gikan sa Bangko Sentral ng Pilipinas kabahin sa pahinumdum sa automated teller machine (ATM) fraud.

Si Bise Mayor Alan Bucao kinsa maoy chairman sa committee sa public safety nagkanayon nga ang kagamhanan angayang magpakabana alang sa kaayohan sa mga konstituwente.

Si Bucao kinsa maoy mangamahan sa maong resolusyon mipasabot nga sa ulahing mga report sa pamantalaan ang publiko giawhag nga magmabinan-tayon sa paggamit  sa ATM aron dili mabiktima sa scam.

Ang maong ATM scam gimugna kini sa mga international nga sindikato diin makahimong mokawat og kwarta gikan sa account sa ubang mga tawo pinaagi sa pagkopya sa data sa ATM card.  

Matud ni Bucao nga ang BSP naninguha usab kini sa pagprotektar sa publiko batok sa maong mga sindikato o mga binuang sa ATM.

Si Bucao midugang nga ang konseho sa siyudad miawhag sa tanang mga banking institution sa pagbutang ug pag-post og mga pahinumdum aron ang ilang mga kliyente makabantay. (BANAT NEWS)