Abellanosa patubagon sa sumbong batok kaniya
CEBU, Philippines - Gimandoan na sa Malacañang si Konsehal Rodrigo “Bebot†Abellanosa nga tubagon ang kaso nga gisang-at sa iyang kaatbang sa politika nga si manlalaban Aristotle “Totol†Batuhan.
Ang reklamo ni Batuhan nga gipasaka niya didto sa Office of the President (OP) naglambigit kini sa pagpatuman og scholarship program sa dakbayan sa Sugbo diin ang pribadong tunghaan ni Abellanosa maoy nakapahimulos sa labing daghang scholars.
Matud ni Batuhan nga basi sa statistics, ang Asian College of Technology (ACT) nakakuha og subra sa katunga sa tanang scholars sa dakbayan sa Sugbo nga mata’g usa gihatagan og bali’g P10,000 nga scholarship grant.
Nagtoo si Batuhan nga nakahimo og kalapasan sa balaud si Abellanosa kay nagsilbi usab siya karon nga sakop sa Cebu City Scholarship Committee isip chairman sa Committee on Social Services sa konseho sa dakbayan.
Hangtud kagahapon wala pa makatubag si Abellanosa sa reklamo ni Batuhan didto sa Malacañang, apan sigurado siya nga mapasabot ra niya ang mga imbistigador sa Office of the President sa mao nga isyu.
Ang kamandoan nga gipitsahan og Enero 31 nga nag-awhag ni Abellanosa sa pagtubag sa reklamo ni Batuhan gipirmahan ni Undersecretary Ronaldo Geron sa Discipline Office sa Malacañang.
Samtang si Batuhan gimandoan usab nga mobayad og P1,500 adto sa cashier sa Office of the President isip “filing fee†sa gipasaka niya nga kaso.
Sa laing bahin, si Batuhan dunay laing suwat nga gipadala niya sa Commission on Audit (COA) nga nag-awhag og buwag nga imbistigasyon sa maong isyu kay nagtoo siya nga dunay sayup sa pagpatuman sa scholarship program. (BANAT NEWS)
- Latest
