Soco gustong padak-an ang suhol sa BHW
CEBU, Philippines - Si Soco mipasupot niining maong plano human siya batia og kaluoy sa kahimtang karon sa mga BHW sa Sugbo nga naigo sa cross fire sa politika nga moresulta sa pagkalangay sa ilang suhol bisan pa sa kagamay niini.
Nunot niini gibutyag ni Soco nga kun siya mapili ug makalingkod sa Kapitolyo kun palaron sa iyang kandidatura sa pagka-bise gobernador sa eleksiyon karong Mayo usa sa iyang mga lakang nga himoon mao ang paghatag og usbaw sa suholan sa mga BHW.
Kini human makita ni Soco ang kabug-at sa gimbuhaton sa mga BHW ug ang risgo nga ilang giatubang apan gamay ra kaayo ang gidawat nga suweldo.
Gawas niini tinguhaon usab ni Soco nga makarga na sa provincial budget ang suholan sa BHW sa kalungsoran lakip na ang mga tanod ug uban pang mga barangay worker aron dili na kini malangay ang paghatag sa ilang honorarium bisan si kinsa pa ang molingkod nga gobernador sa Kapitolyo. Gikan sa P2,400 nga honorarium sa mga BHW gisugyot ni Soco nga himoon kining P3 mil ngadto sa P5 mil.
Iyang gipasabot nga magpadayun ang kabug-at ang gimbuhaton sa mga BHW tungod usab sa nagsaka nga populasyon sa kabarangayan nga maoy ilang gialagaran.
Si Soco magpapili sa pagka-bise gobernador sa Sugbo ubos sa Pwersa ng Masa (PMP) party ni kanhi Presidente Joseph Estrada. (BANAT NEWS)
- Latest
