P100 mil nga shabu nasakmit sa drug bust sa PIB
CEBU, Philippines - Upat ka dagkong pakete sa shabu nga mokabat ngadto sa P100,000 ang nakuha sa operatiba sa Provincial Intelligence Branch sa gipahigayon nga buy-bust operation kagahapon sa buntag sa Sitio Dita, Barangay Pulang Bato, siyudad sa Sugbo.
Si Tomas Borbon Ardiente, 25, wala na maka-ikyas human makatunol sa lima ka gramo nga shabu ngadto sa poseur buyer nga polis bugti sa P25,000 nga marked money mga alas 7:10 sa buntag.
Laing nakuha sa operatiba mao ang tulo ka laing dagkong pakete sa shabu, timbangan, plastic container, metal sealer, tulo ka mga listahan sa mga tawong nalambigit sa illegal nga drugas ug nagkadaiyang drug paraphernalia.
Ang mga shabu gidala na kini sa Philippine National Police Crime Laboratory-7 sa Camp Sotero Cabahug alang sa chemical analysis.
Matud ni SPO1 Reynaldo Solante, team leader sa maong operasyon nagsugod sila og surveillance sa suspek human sila makadawat og impormasyon nga adunay mga drug runners nga gusto mosulod sa Barangay Pulpogan, Consolacion gikan sa Sitio Dita.
“Nag-ilogay sila sa shabu sa area kay mas barato man ang sa Dita unya ang baligya didto (Consolacion) mas mahal man,†matud ni Solante. Sa linaing interview, si Ardiente miangkon nga iyaha ang mga shabu. Matud niya nga tulo pa siya ka buwan sa maong illegal nga buhat. Si Ardiente ang giingong nagbayad sa tuition fee sa iyang duha ka mga pag-umangkon ug sa iyang igsuon.
“Sa wala pa ko nisulod nahibalo nako sa akong kapaingnan pero ang pagmahay dili man gyud na mawala,†matud ni Ardiente nga midugang nga siya usa ra ka drug user kaniadto.
Nagtingkagol na karon sa karsel sa Consolacion Police Station si Ardiente nga mag-atubang Og kasong Sections 5 ug 11 sa RA 9165 o Dangerous Drugs Act of 2002. (BANAT NEWS)
- Latest
