Bureau of Customs sa Cebu bag-o’g kolektor

CEBU, Philippines - Pormal na nga milingkod sa iyang katungdanan  si District Collector Edward dela Cuesta  sa Customs Port of Cebu human sa kasaulogan sa ika- 111th Founding Anniversary sa Bureau of Customs kagahapon.

Ang  maong  kasaulogan  gipahigayon sa Malacañang sa Sugbu apanang turnover ceremony tali nila ni Collector  Ronnie Silvestre ug ni dela Cuesta  didto  ipahigayon  sa buhatan sa BOC sa Cebu International Port (CIP).

Si BOC Commissioner Rufino Biazon maoy mihatag sa ilang tagsa-tagsang bag-ong destino diin si Collector Silvestre maoy modala sa Port of Clark International Airport.

Matud pa ni  Biazon nga ang paglahugay sa iyang mga sakop maoy paagi  nga  makuha  nila  ang  ilang  target  nga  kolektahonon  karong  tuiga.

Si  Silvestre  mapasalamaton sa mga empleyado sa Port of Cebu sa maayong kooperasyon  niini sa iyang pagdumala nga maoy yawe sa ilang kalampusan.

 Samtang si  dela Cuesta  mihangyo ngadto sa mga opisyal sa matag departamento sa Port of Cebu nga makigtambayayong kaniya alang sa kalampusan sa ilang target ning tuiga.

Human sa turnover kagahapon sa hapon ang mga opisyal ug kawani sa BOC-POC mipahigayon og tree planting activity sa Brgy. Kantipla sa 500 ka hektaryang yuta sa maong dapit. (BANAT NEWS)