40-anyos nga ginang gipatay sa diskohan sa Lapu’ City
CEBU, Philippines - Gipakatap sa kapolisan ngadto sa publiko ang mga hulagway ug pangalan sa 10 ka most wanted persons sa dakbayan sa Lapulapu.
Matud pa ni Lapulapu City Police Office Director Sr. Supt. Rey Lyndon Lawas, ang ilang pagpublikar sa mga pangalan sa 10 ka most wanted sa dakbayan sa Lapulapu usa ka paagi aron paghatag kanila og kahigayonan nga tubagon ngadto sa hukmanan ang mga kaso nga ilang gikalambigitan.
Base sa talaan sa kapolisan sa dakbayan sa Lapulapu ang mga most wanted persons sa Lapulapu mao sila si Demetrio Malingin nga nasikop sa milabay’ng Disyembre 26, 2012 diin gisundan kini sa iyang mga igsuong si Jay Malingin ug Deo Malingin nga adunay mga kasong Murder. Lakip sa mga most wanted mao sila si Ritchelle Amodia, Nerio Pulvera, Bonifacio Bonsobre, Julius Dungog, Ruel Auxtero, Reymond Rosende ug Editho Sablas pulos adunay mga kasong murder, lugos ug uban pang “heinous crimes.â€
Ang mga hulagway ug ngan sa mga wanted ipakatap kini sa mga kabarangayan ug sa mga lugar nga dugokan sa mga tawo sama sa mga malls ug simbahan.
Si Lapulapu City Mayor Paz Radaza misuporta sa maong lakang tungod kay matud pa sa mayor ang kabanay na unya ang mamahimong yawe aron sila madakpan.
Misaad usab og ganti nga cash si Radaza ngadto sa mga residente o ni bisan kinsang makahatag og impormasyon o makatudlo sa mga nahimutangan sa mga wanted.
Dili pa lang dugay usa ka tawo ang gihatagan og 50 mil ka pesos sa siyduad sa Lapulapu tungod sa pagkasikop kang Demetrio Malingin. (BANAT NEWS)
- Latest
