Repairs sa maguikay flyover trabahoon panahon sa gabii

CEBU, Philippines - Nangayo og pasaylo sa publiko ang kadagkoan sa Department of Public Works and Highways  (DPWH) 7 tungod sa kahasol sa ilang mga biyahe  ini og subay sa dalan Maguikay ug M.C. Briones tungod sa pagsirado sa flyover sa maong dapit.

Si Engr.  Roy dela Cruz, project manager sa pag-ayo sa Maguikay flyover mipasabot nga nagkinahanglan nga tak-opan ang maong dapit tungod sa excavation sa expansion joints sa dili pa nila masugdan ang  pag-repair sa flyover.

Hinuon aron dili kaayo makahasol, panahon sa kagabhion ra nila kini ayuhon gikan sa alas-9 hangtud na sa alas-5 sa buntag.

Apan sa adlaw nga Sabado ug Domingo alas- 8 man sa gabii hangtud sa alas- 6 sa buntag nila kini trabahuon.

Tuyo nila nga dili na mahasol ang mga motorista ilabi na sa peak hours. (EIM) (BANAT NEWS)