22 polis pasakaan og kaso tungod sa Atimonan ‘shootout’
CEBU, Philippines - Giaprubahan na ni Philippine National Police Director General Alan Purisima kagahapon ang pagpasaka og kaso batok sa 22 ka mga polis nga nalambigit sa Atimonan “shootout†sa Quezon Province diin 13 ka mga tawo nga naglakip sa mga polis ug sundalo ang nakalas.
Ang rekomendasyon gihimo sa PNP Internal Affairs Service (IAS) human makita sa imbestigasyon nga daghang mga kalapasan sa pagpahigayon sa police checkpoint ang maong mga polis.
“Ang gusto nating ipamahagi sa ating mga pulis… huwag sana nilang tularan ‘yung ganitong mangyayari sa kanila sa mga future checkpoints na itong mga violations na ito ay very simple violations but may lead to their dismissal if found guilty,†matud pa ni Purisima sa press briefing sa Camp Crame sa Quezon City nga gikutlo sa GMA News Online.
Ang mga kaso gipasa na ngadto sa PNP Directorate for Personnel Records and Management, kinsa maoy mohatag sa maong mga polis og higayon nga madepensahan ang ilang mga kaugalingon.
Lakip sa makasohan mao sila si Calabarzon police head Chief Superintendent James Melad, Quezon police chief Senior Supt. Valeriano de Leon, ug intelligence officer Supt. Hansel Marantan- ang nag-inusarang polis nga nasamdan sa habig sa mga nag-checkpoint sa maong hitabo. (BANAT NEWS)
- Latest
- Trending
