Amahan gipugakhang sa anak

CEBU, Philippines -  Nabulit sa samad pinusilan ang 59- anyos nga amahan human gipugakhang sa iyang anak sa barangay San Rafael lungsod sa Barili niadtong Miyerkules sa alas 3:30 sa hapon.

Ang biktima mao si Filomeno Cabalquinto, nagpuyo sa maong lugar samtang ang suspek mao ra usab ang iyang anak nga si Samuel, 35.

Matud ni PO3 Henie Aspera sa Barili Police dihang nahinabi sa Banat News subay sa imbestigasyon ang biktima ug ang suspek uban sa laing anak nga si Jose nag-inom sulod sa balay sa biktima.

Apan dihang nangahubog nagkalalis human ang biktima nangangkon sa mga tinanom nga kahoy sa suspek nga dagko na diha sa palibot sa ilang balay.

Tungod kay dili magpalupig ang amahan napungot ang suspek ug nikuha kini sa pugakhang ug gipusil ang biktima. Maayong pagkababha sa lawas ug bukton sa amahan ug patay na pag-abot sa Barili District Hospital.

Ang suspek mitahan sa mga polis ug gikatakdang pasakaan og kasong parricide sa iyang inahan ug mga igsuon. (BANAT NEWS)