903 classrooms tukoron sa DepED sa Eastern Visayas

TACLOBAN CITY, Philippines  â€“ Gipahibalo sa Department of Education  motukod sila og 903 classrooms sa Region 8  karong tuiga  ilawom sa second phase sa Public Private Partnership School Infrastructure Project.

Atol sa Regional Development Council’s Infrastructure Development Committee meeting, si Glenn Orteza sa DepEd engineering division miingon nga 645 ka public elementary ug secondary schools sa Eastern Visayas ang maka-benepisyo sa maong proyekto.

Migawas nga sa pagbukas sa klase sa nakalabay nga tuig, nagkulang og 1,626 ka classrooms ang rehiyon apan paigo lang sa 566 ka classroom ang budget nga gitagana sa DepEd.

Ang maong mga lawak-saringan gibahin sa mga dapit sa Eastern Visayas: 236 classrooms sa Leyte province, 185 sa Samar, 147 sa Eastern Samar, 144 sa Northern Samar, 65 sa Calbayog City sa Samar, 55 sa Southern Leyte, 21 kada usa sa Tacloban City ug Biliran province, 15 sa Maasin City ug 14 sa Ormoc City.

Ang mga classrooms tukoron pinaagi sa build-transfer scheme.( /EIM)  (BANAT NEWS)