Gwen wala pa makadesider kung mosayaw o dili

CEBU, Philippines - Nagkaduol na ang adlaw sa kinadak-ang selebrasyon sa Sugbo nga mao ang Sinulog apan ang suspendidong gobernador nagpabiling nagduha-duha kun mosayaw ba o dili.

Matud pa ni Garcia nga kun makasayaw siya karong umaabot nga Domingo bisan wala’y praktis mamahimo man gihapon nga i-apply na lang ang iyang nakat-onan nga mga dance steps sa nilabay’ng mga katuigan.

Si Garcia nagkanayon nga balikon na lamang niya pagsul-ob ang mga gowns nga gihipos sa Governor’s gallery kun makasayaw siya.

Ang Sinulog Foundation Inc. Marketing and promotion director Anna Marie Conejero ug project director Dolores Suzara mibisita ug miimbitar pag-usab ni Garcia nga mosayaw og balik sa Sinulog sa niaging adlaw.

Si Garcia daw may mensahe kang acting governor Agnes Magpale nga  ipadaplin lang una ang politika sa ngalan sa kapistahan ni Sr. Sto. Niño. 

Samtang mi-react usab si Garcia nganong P500 mil ra ang ihatag sa Kapitolyo ngado sa SFI.

“The Sinulog has not been kuripot to us in terms of blessings and protection I think when it is time to give back dapat hindi rin sana tayo kuripot and If I were the one to decide we would have given a much bigger amount from the province kasi this is the Sinulog afterall,” matud pa ni Garcia.

Matud niya nga mohatag siya og financial assistance ngadto sa SFI apan di niya itug-an kun pila.  (BANAT NEWS)