Kaliboan miduyog sa lubong ni Jun Kintanar

CEBU, Philippines - Kaliboan  ka  tawo  ang  mihatud  ngadto  sa lubnganan sa karaang brodkaster   ug kanhi  konsehal  sa dakbayan  sa   Sugbo   nga si Vicente Jun Kintanar  didto sa  Kintanar Memorial Park sa Talaytay, lungsod sa Argao  sa miaging Biyernes.         

Si Remy Elezar, usa sa mga sinaligan sa pamilyang Kintanar  mapasalamaton kaayo   kay giduyogan sa maayong panahon  ang paglubong ni Jun.

Samtang si Teofila Salazar, usa sa mga kaliwat ni Jun naghilak  uban  sa kamingaw  kay  mipanaw  na  si Jun, usa  ka  maayong tawo, mahigalaon, walay  kontra  ug manggihatagon.

Pipila  sa  mga  politiko  nga  miduyog  sa paglubong  ni Jun  mao si gubernatorial  Hilario Junjun Davide  sa Liberal  Party  ug  vice  gubernatorial  candidate Glenn Soco  sa Independent Party.

Sama  sa tanang  miduyog  sa maong paglubong, sila si Davide  ug  Soco walay laing gilitok  kundi  ang  kamaayong tawo  ni  Jun. (BANAT NEWS)