MES ug ANHS daog sa Sinulog sa Kabataan

CEBU, Philippines - Hapit naharos sa “Tribu Mabolokon” sa Mabolo Elementary School ang Sinulog sa Kabataan sa Dakbayan kagahapon ang kadaugan niini maoy nahimong tiket nila aron makaapil sa Sinulog Grand Parade karung Enero 20.

Ang Mabolo Elementary School maoy mikampeyon sa elementary division ug nabulsa ang P300 mil, ug best in musicality.

Samtang ang Cebu City Central School maoy midaog sa best in costume, sunod nga midaog sa ikaduhang dapit  ang Guadalupe Elementary School,  ug ikatulo ang Cebu City Central School.

Nakuha usab sa Regino Mercado Elementary School ang ika-upat nga pwesto ug ikalima ang Basak Community School.

Samtang sa high school division category,  gilangkat sa Apas National High School  ang unang pwesto nga nagtangag og premyong P300 mil,  ingon man ang best in costume. Nakuha sa Don Sergio Osmeña Sr. Memorial National High School ang ikaduhang pwesto ang best in musicality, ug ikatulo ang Zapatera National High School ug ikaupat ang Abellana National School ug sunod ang Talamban National High School. Ang top 5 contingents sa Sinulog sa Kabataan Dakbayan ug sa Lalawigan awtomatikong makasalmot sa Sinulog Grand Parade karong adlaw nga Domingo. (BANAT NEWS)