Traffic Education - Cautionay Signs

Dangerous dip sign

Kini usa ka traffic sign nga gibutang sa triangle sign board. Ang dangerous dip sign nagpasabot nga adunay lawom nga bahin sa dalan diha sa unahan o dulhogon kaayo ang dalan diha sa unahan. TIPS: Ipaubos ang imong gear aron makapugong ang makina ug dili mawad-an og kontrol kung dunay makasugat sa unahan. Mobusina kung gikinahanglan.

Enero 6 - Project Bojinka

1995—Aksidenteng nadiskubrehan sa Philippine National Police ang usa ka labing kuyaw nga plano sa mga terorista diha sa Doña Josefa Apartments complex sa Manila. Tungod sa pag-testing sa usa ka chemical bomb nadiskubrehan sa kapolisan ang gitawag nga Project Bojinka, kini mao ang planong magdungan-dungan nga terrorist attacks sa nagkadaiyang mga nasud. Ang una nilang  plano mao ang pagpatay kang anhing Pope John  Paul III ug onse ka mga airliners gikan sa Asya padulong sa Amerika nga gibanabanang adunay 4,000 ka pasahero. Ang Project Bojinka giplano sa international terrorist nga si Ramzi Yousef ug Khalid Shaikh Mohammed.  Nalakip sa plano ang pag-crash sa usa ka eroplano sa Central Intelligence Agency headquarters sa Fairfax County sa Virginia,USA.  Ang pagka-diskubre sa plano nasubay tungod sa nagsunod-sunod nga ginagmay nga pagpamomba sa Manila diin usa ka mall ang gipabuthan ni Yousef og bomba nga nakaangol og pipila ka tawo ug nakapatay og usa dihang gibutangan ni Yousef og nitroglycerin bomb ang Philippine Airlines Flight 434. Nasubay usab nga ang pundo sa Project Bojinka naggikan sa Al Qaeda terror group ni Osama Bin Ladin.

Gobiyerno gibarang

2011 – Gimando sa Romanian government sa bag-o  nilang tax code nga pabayron na og buhis ang tanang matang sa trabaho bisan kadtong mga self-employed. Sa Romania daghan nga self-employed nga mga tawo nga naglakip sa mga mananagna, astrologers, mang-babarang ug bisan na ang pagpamaligya og unod. Apan tungod sa maong tax code daghang mga mang-babarang ang nangasuko ug mibahad nga ilang tungohon ang ilang gobiyerno. Hinuon kung dunay nangasuko daghan usab ang nalipay tungod kay giila sa ilang gobiyerno ang matang sa trabaho nga ilang gihimong panginabuhian ug nahatagan sila og proteksyon.