Mipakatap og mini nga kuwarta priso

CEBU, Philippines - Nagkagulkol  na  sa prisohan  ang  usa ka call center agent  human  kini  madakpi  nga  migamit  og mini  nga  kuwarta   nga  iyang  gibayad  sa   cell phone  nga iyang gipalit  sulod sa    Elizabetn Mall  ning  dakbayan  sa Sugbo  sa  miaging  Huwebes  sa  gabii

Ang  suspetsado  nailhan  nga  si Irene Sanoria, 20, nga taga  lungsod  sa Liloan, samtang  ang  gibiktima  niya  mao  si  Alinair Camar, 18, usa ka Muslim  ug molupyo  sa barangay   Mambaling, dakbayan  sa Sugbo tindero’g cell phone.

Ang biktima  miasoy  sa kapolisan  nga   mipalit og Iphone 5 nga nagkantidad og P32 mil  ang suspek, apan nahibung siya  kay  human niini  og  bayad ug  didto  na  kaniya  ang  cell phone, mikaratel  kini  og  dagan.           Busa  gisusi  dayon  niya  ang  gibayad  niini  ug  dihang  nasuta  niya  nga  mini  ang  maong  salapi iya  kining  gigukod  ug  nanawag  usab  siya  og  mga security  guard.

Nadakpan   dayon  ang  suspek  ug  gibalhug  dayon  sa prisohan. (Jennifer Mular USJR Intern/WC) (BANAT NEWS)