PWD gihatagan na sa tag P1,000 nga hinabang
CEBU, Philippines - Gipang-apud-apod na kagahapon ang tag P1,000 nga hinabang salapi o financial assistance ngadto sa kapin sa 8 mil ka mga persons with disabilities (PWDs) kon may apan sa panglawas nga narehistro sa dakbayan sa Sugbo.
Ang maong kantidad kabahin lang sa P3,000 nga tinuig nga gahin sa kagamhanan alang sa mga PWD.
Mokabat na sa 8,776 ka mga PWD ang anaa sa listahan karong tuiga usa ka tataw nga mitubo na kini og 30% sanglit 6,000 ra man kini sila sa miaging tuig.
Kahinumdoman nga tag P2,000 lang ang naandan nga financial assistance alang sa PWD matag tuig apan gidugangan kini og P1,000 ni Mayor Michael Rama ug mao na kini ang gipang-apud-apod kagahapon ngadto sa nagkadaiyang barangay, sumala pa sa chief of staff ni Rama nga si Philip Zafra.
Kini gituyo aron dili na mahago ang mga PWD sa pagtikang ngadto sa City Hall.
Samtang padayon gihapon karon nga napundo ang proposal sa pipila ka mga PWD nga pausbawan ang ilang financial assistance ngadto sa P5,000 matag tuig. (BANAT NEWS)
- Latest
