Bisan naospital Jack Jakosalem dili pulihan sa Team Rama
CEBU, Philippines - Mopadayon gihapon sa iyang kandidatura si kanhi Cebu City Councilor Sylvan “Jack” Jakosalem sa sunod tuig nga eleksiyon kini bisan pa man nga anaa pa kini karon sa tambalanan human maoperahi sa ulo tungod sa impeksyon sa utok.
Atol sa deadline sa substitution sa mga mokandidato kagahapon si Mayor Michael Rama mipahibawo nga ang Team Rama ug pamilya ni Jakosalem nakadesisyon nga ang kanhi konsehal mopadayon sa iyang kandidatura.
“We will respect the Certificate of Candidacy filed by Jack. Sharon will be campaigning for him,” ni Rama pa.
Si Rama nagkanayon nga ang Team Rama dunay gibarogang prinsipyo ug dili nila biyaan si Jakosalem.
Sa pagkakaron si Jakosalem nagpabilin pa kining na-confine sa tambalanan human kini operahi sa parasitic infection sa utok sobra sa duha ka buwan na ang nakalabay.
Si Jakosalem nakasinati kini og “relapse sa neurocysticercosis” bunga sa usa ka parasitic disease nga miigo sa iyang utok ug nervous system ug nigrabe lang kini niadtong buwan sa Septiyembre niining tuiga. Base sa iyang cranial scan nasuta nga mibalik ang infection niini.
Si Jakosalem human maoperahi hinay-hinay nang naka-recover karon ug nakagawas na sa Intensive Care Unit (ICU) sumala pang Rama. (BANAT NEWS)
- Latest
