15-anyos gilugos sa silingan

CEBU, Philippines - Gilugos sa 21-anyos nga construction worker  ang iyang silingan nga 15-anyos nga graduating sa high school sa kalibunan sa Sityo Pamintaw sa barangay Cogon sa siyudad sa Bogo niadtong Lunes sa alas 7:00 sa gabii.

Ang suspek nga nadakpan atol sa hot pursuit operation sa kapulisan mao si Siegie Abacial, 21.

Matud ni PO2 Rosalie Arnoco sa Women’s Desk sa Bogo City Police Station dihang nahinabi sa Banat News nga sa pasiunang imbestigasyon  gibabagan ug gibira sa suspek ang biktima diha sa kalibonan samtang ang biktima padulong na pauli.

Napakgang lang ang maong yawan-ong buhat human dunay tawo nga niagi sa lugar ug sa kahadlok sa suspek mikaratel kini og dagan pahilayo ug gibiyaan ang biktima.

Didto ang biktima nakahigayun og pauli nga naghilak ug misumbong sa ginikanan ug midangop sa kapulisan. (/EIM)   (BANAT NEWS)