CEBU, Philippines - Arestado ang usa ka gidudahang masiao coordinator apil na ang duha niya ka mga staff nga naaktuhan nag-tally sa abot sa maong ilegal nga sugal diha sa barangay Pulpogan lungsod sa Consolacion niadtong Martes sa alas 6:20 sa gabii.
Ang mga nadakpan mao si Renato Capangpangan, 46, nagpuyo sa maong lugar ug coordinator sa illegal nga sugal nga masiao. Apil sa nadakpan ang duha niya ka mga staff nga sila si Gilbert Desierto, 44, taga barangay Tugbungan ug usa ka Haiwata Mariñas, 39, taga barangay Jugan Consolacion.
Nakuha gikan kanila ang mga tally sheets, calculators, ballpen ug P2,186 nga cash nga gituohang halin sa maong illegal nga sugal sa masiao.
Matod ni PO2 Roosevelt Matuog sa Consolacon Police Station dihang nahinabi sa Banat News naaktuhan ang duha sa mga polis nga nagkwenta sa mga pusta. (BANAT NEWS)