Makapili

  Sa Kasaysayan Karon Disyembre 9

1944—Karong adlawa subsob nang milihok ang gitawag nga Makabayang Kalipunan ng mga Pilipino o Makapili. Ang mga Makapili namugna niadtong Disyembre 8,1944 kansang mga sakop mga Filipino ra usab nga dapig sa mga Hapon ug maoy impormante sa mga Hapon pagpangita sa mga gerilya ug sa mga dumadapig sa mga gerilyang Filipino ug Amerkano. Human mapildi ang mga Hapon kasagaran sa mga sakop sa Makapili ang gipangkasohan ug gibilanggo ug dunay uban ang gipapatay tungod sa ilang pagtraydor sa ilang yutang natawhan.

USSR nagpaubos

1981—Sa labing unang higayon mipaubos ang nuclear power nga kanhi Union Soviet of Socialist Republics of Russia (USSR) sa usa ka mas huyang nga nasud sa Sweden kinsa hugot nilang nakontra panahon sa ikaduhang kalibutanong gubat. Kini dihang usa ka submarino sa USSR nga sekretong misulod sa kadagatan sa Sweden ang nasangad ug miinsister mga Swedes nga sudlon ang maong submarino. Human sa negosasyon napugos sa pagsugot ang USSR tungod kay nasakpan na silang sekretong misulod sa teritoryo sa kaniadto ilang kaaway ug ang wala pagtugot sa Sweden nga makapadala og rescue teams ug mga barko ang USSR sa maong submarino aron motabang. Sa katapusan ang crew na mismo sa USSR nga maoy nabutang sa peligro maoy mihangyo sa Sweden nga magpatabang og bira balik sa Baltic Sea. Wala hinuon klaroha sa mga media reports kung ang USSR mimando niini sa ilang submarine crew nga papangayuon nalang og tabang sa Sweden imbes nga direktang ang USSR maoy manghangyo sa gobiyerno sa Swedes.