Mga scholar mireklamo

CEBU, Philippines -  Ang  mga scholar  sa dakbayan  sa  Sugbo hapit mapakyas  sa pagpa-enroll  sa  University of the Philippines Cebu College (UPCC) sayo  niining  buwana gumikan  kay gipugngan  sila  sa  usa  ka konsehal kay gusto  niini nga adto  sila  moeskuyla  sa  kaugalingong  kolehiyo niini.

Maoy  hinungdan  nga  gisugyot ni  Melanie Montaño, Cebu chapter chairperson of the College Editors Guild of the Philippines (CEGP)  nga angay husayon  kining  maong  pamaagi  sa  paghatag  og  scholarship  sa  mga  estudyante  sa dakbayan.

Samtang  si Jun Marr Denila, Chairperson  sa National Union of Students of the Philippines Cebu (NUSP) ug  usa  ka scholar  ning dakbayan  usa  usab  sa naapektohan niini ug  mihangyo  usab    sa mga konsehal  sa dakbayan nga   reviewhon  ang  maong programa

Mayoridad  sa mga scholar sa  dakbayan anaa  magpa-enroll  sa    ACT, ang  eskuylahan  nga  gipanag-iya  ni  konsehal  Rodrigo Abellanosa sukad  pa  sa tuig  2010.

Si  Abellanosa, mokandidato  sa  pagka-kongresista sa habagatang  distrito  sa dakbayan  sa Sugbo  sa umaabot  nga election aron mohulip  kang Kongresista Tomas  Osmeña kinsa  mokandidato  usab  pagka-mayor  sa dakbayan  sa Sugbo.

Ang  mga record  nagpakita  nga ang  ACT maoy  misuyop  sa mokabat  og 15,658 ka  mga scholar  sa dakbayan  sa Sugbo nga gibayran  sa kagamhanan  sa siyudad  og P156.58 milyones sukad  pa  sa unang  semester  sa tuig tingtungha  2010-2011 hangtud karon. (BANAT NEWS)