Gwen mitungas sa Montealegre

CEBU, Philippines - Usa ka medical ug dental mission  ang  gisilbi sa  team  sa  mga  mananambal sa Kapitolyo  nga  gipangunahan  ni Governor Gwendolyn Garcia  didto  sa barangay Montealegre, sa lungsod  sa Tuburan  sa miaging  adlaw.

Nalipay  kaayo ang kapin sa 300 ka mga mulopyo sa maong barangay  kinsa  nakapahimus  sa maong  serbisyo  sa kagamhanan  sa lalawigan.

Si Glen Tirado Nurse III sa Integrated Provincial Health Office IPHO mitug-an nga gawas sa  medical ug dental mission, nanghatag  usab  ang  gobernador  og  mga school supply ; mga lesson plan ug class records alang sa mga tinun-an ug  mga magtutudlo sa Montealegre Elementary School.

Samtang mikapin  usab  sa 300  ka mga lolo ug lola ang nakadawat og libre nga   antiyuhos gikan usab kang Cong. PJ Garcia.

Gipaubanan  usab  ang  antiyohos  og mga  putos  nga  gisudlan  sa pinulbos  nga gatas, sabon, haplas,  food supplement . Ang  matag  bubong  sa panimalay  sa maong  barangay  gihatagan  usab  tag 3 ka kilong bugas humay, ug   3 ka latang sardinas .

Misaad  usab  ang  gobernador  nga   ipa-ayo niya  ang   gubaon nga merkado nga nagsilbi nga taboan sa barangay Montealegre .

Gawas niini  patauran  usab  sa gobernador  og mga  linya  sa tubig  ang  kabalayan  sa maong  barangay  ug  sa kasikbit  nga  barangay  niini  nga  mao  ang  Siotes. (BANAT NEWS)