Mi-overtake mipilit sa railings patay

CEBU, Philippines - Patay ang 40-anyos nga ulitawo human madasmag sa railings daplin sa karsada ang motorsiklo nga iyang gimaneho dihang giingong misuway kini sa pag- overtake og sakyanan sa kurbadahong dalan sa barangay Coro sa lungsod sa Dalaguete niadtong Huwebes sa alas 11:15 ang takna sa kagabhion.

Ang biktima nga patay nang nadangat sa tambalanan mao si Hipolito Brelata, 40, taga Kinalumsan sa siyudad sa Lapulapu. Matud ni SPO1 Veronico Centino sa Dalaguete Police Station dihang nahinabi sa Banat News paingon sa habagatan dihang sumala pa sa nakuha nilang impormasyon mi-overtake kini sa nag-unang sakyanan apan nalahos kini sa walang bahin sa karsada ug nasampak sa railings.

Ang biktima nalabay buwag sa iyang motorsiklo ug nitapot sa puthaw nga railings ug nakaangkon og mga kadaot sa ulo ug kalawasan. Patay na kini pag-abot sa Alcantara District Hospital.( /EIM)  (BANAT NEWS)