Ngalan sa akong Mrs. na-delisted sad!

CEBU, Philippines - Of course, mahitungod niining pagkahanaw sa daghan kaayong mga ngalan sa senior citizens ning dakbayan gikan sa talaan sa OSCA … dili kita motuo ug di sad ta magduda nga kini gituyo.  Glaring kaayo kun tinuyo man. Kinsa man say mo-intentionally ug mo-deliberately motuyo niini? 

Sa among barangay sa Guadalupe, giingon nga kapin kono sa usa ka libong mga ngalan sa senior citizens ang na-delisted, lakip na ang ngalan sa akong Mrs.  Maayo man gani kay waa ma-computer error ang akong ngalan.

Ug nagpasalamat ako sa senior citizens staff sa Guadalupe nga ila akong gitawgan, nangayo og photocopy sa OSCA ID sa akong Mrs. aron mahibalik sa talaan ang iyang ngalan.  Anugon uy, tiaw moy P4000 … unya, di nato madawat gumikan lang sa pagkasayop sa computer. Bida sad. Unsa bay brand adtong computera? 

Ug ngano  man tuod nga ang mga senior citizens ra may giinitan sa maong computer? Concidence?

Anyway, nalipay kita nga mipasalig ang city hall nga ilang himoon ang gikinahanglang corrective measures aron mahibalik ang na-purged nga mga ngalan. Mora man sad hinoon ta og  party-list nga duna say purging ug delisting.

Samtang sa laing bahin, atong hinumduman nga sa gihimo nga Planning Workshop sa mga senior citizens ning dakbayan, sa naghinapos ang miaging tuig, daghang proyekto ang naumol sa 73 ka chapter delegates sa lima ka distrito, south ug north.

Sa ako nang giingon dinhi, ang maong exercise, was the first in the country, ug productive kaayo ang output. Ania ang mga nahunahunaan ug gilaraw nga mga proyekto, nga gipresentar sa mga delegado: 

Ang seminar gihimo November 23-24, 2011. Unsa may nahitabo after ? Gisundan kini sa laing activity: ang senior citizens summit. Nindot gihapon ug fruitful kaayo ang maong exercise. Apan, karon, unsa man?

Atong sugyot nga maghimo kita’g laing katiguman – ang bugtong tuyo, dili aron pagplano kun unsay buhaton sa mga senior citizens, kundili, aron pagsusi ug pagpaningil sa resulta sa duha ka exercises nga atong gihisgutan dinhi. 

Or … aron waay gasto, kay tingali unya’g mosing-al na sad ang Konseho, set up a committee of three or seven, for the purpose. Apan, ang pagpili sa membership, dili ipasikad sa politika.

Kun dunay separation of Church and State, atong ipatunhay ang separation of Senior Citizens and Politics. Mahimo kaha ni nato? (BANAT NEWS)