Operation Smile libreng nangopera og mga batang bungi diha sa VSMMC
CEBU, Philippines - Grupo sa mga doktor gikan sa ubang nasud subling mipahigayon og libreng pagpangopera sa mga batang bungi o cleft palate ug cleft lip pinaagi sa Operation Smile diha sa Vicente Sotto Memorial Medical Center.
Ang maong kalihokan maoy giisip nga labing dakong misyon sa maong grupo sa tibuok kalibotan nga ang tumong mao ra gyud ang pagbutang og pahiyom sa mga batang mga bungi pinaagi sa operasyon aron ibalik sa normal ang ilang mga deperensya. Mao na kini ang ika-15 ka tuig sa Operation Smile nga giabagan sa Mariquita Salimbangon-Yeung Charitable Foundation, Inc.
Sumala pa nga moabot na sa 3,000 ka mga bata ang nakabenepisyo sa Operation Smile dinhi sa Sugbo ug miabot na og kapin 25,000 ang ilang naoperahan dinhi sa tibuok nasud.
Ang oral cleft o pagkabungi sa bata usa sa nag-unang dose ka matang sa congenital defects dinhi sa nasud nga hinungdan usab sa kamatayon sa kabataan. Gibanabanang dunay 500 ka batang Filipino ang ipanganak nga adunay susamang sakit o moabot sa 4,000 matag tuig. Ang pagkabungi bunga kini sa pagkabuak sa alingagngag sa sulod sa baba hangtud sa ngabil ug kini kanunay nga mataptan og impeksyon.
"Studies have been made whether this is genetic. But children with such deformities were due to lack of nutrition while the mother is still pregnant," matud pa ni Operation Smile founder Dr. Willian Magee.
Nasuta nga diyes porsiyento sa ipanganak nga bungi ang mamatay o 400 ka bata ang makalas una pa makaabot sa ilang unang birthday, ug dose porsiyento kanila o 480 ka bata ang mamatay sa dili pa maabot og singko anyos.
"We want to reach these unfortunate children so we can treat them at an early age. Unfortunately, the Philippines has no cleft registry so its difficult to locate them,"said Operation Smile Philippines president ug executive director Roberto Manzano.
(Mitchelle Palaubsanon/EIM)(BANAT NEWS)
- Latest
- Trending
