ANAD nakakuha og status quo ante order gikan sa SC
CEBU, Philippines - Nakakuha og Temporary Restraining Order kon TRO ang Anad Partylist sa Korte Suprema batok sa disqualification order nga gipakanaug sa Commission on election kon COMELEC atol sa gipahigayung en banc session kagahapon sa hapon.
Gibutyag ni Anad Partylist Representative Pastor Jun Alcover Jr., atol sa interview sa DyDD nga alas 2:00 pasado sa hapon kagahapon mipagawas og Status Quo ante Order ang Anad Partylist ngadto sa Comelec kabahin sa diskwalipikasyon.
Apil sa nahatagan og TRO mao ang Bantay Partylist ug lain pang upat ka mga partylist group nga One Brotherhood For Reform, Aku Aguila sa Nagkakaisa, 1 Ganap Guardian.
Matud ni Alcover daan na siyang masaligon nga makakuha og TRO tungod kay alang niya depektoso ang desisyon sa Comelec pag-disqualify sa Anad.
Una nang nakakuha og TRO sa Korte Suprema sa nilabay'ng semana mao ang APEC, One Care ug Ako Bicol Partylist nga una nang gi-disqualify sa Comelec nga makasalmot sa 2013 election.
Si Alcover masaligon nga mabasura gyud ang desisyon sa Comelec tungod kay lig-on ang ilang mga ebidensiya nga giduso sa Korte Suprema nga nagkwestyon sa desisyon sa Comelec.
Si Alcover sa samang report subling namasangil sa mga sakop sa Comelec nga gihimong gatasan ang ubang mga partylist pinaagi sa pagpangilkil aron dili ma-disqualify susama sa ubang partylist sama sa Anad. (BANAT NEWS)
- Latest
- Trending
