1.5 nga water system sa Catmon giaprobahan na

CEBU, Philippines - Lima ka barangay ang makabenepisyo sa patubig nga proyekto sa Kapitolyo diha sa lungsod sa Catmon.

Ang maong proyekto giingong giaprobahan ni Gov. Gwendolyn Garcia nga gigahinan og P1. 5 milyones ug kini anha tukoron sa bukirang bahin sa maong lungsod.

Si Macaas Brgy. Kapitan ug maoy ABC President nga si Estrella Aribal sa pakighinabi sa mga sakop sa media miingon nga lima ka barangay ang makabenepisyo sa maong patubig o water system.

Ang maong mga barangay mao ang Kambangkaya; Hinabukan; Tinabyanon; Agsowaow ug Baktas. Ang maong mga dapit maoy usa sa mga lugar sa Catmon nga nihit ang tubig ilabi na kun panahon sa tinghuwaw. (/EIM) (BANAT NEWS)